శ్రీ పోతలయ్య స్వామి వెలసిన

దాదులూరు దేవాలయములు

దాదులూరు పోతలయ్య స్వామి గుడిలో స్వామివారి విగ్రహం వెనుక శివుడు బంగారు లింగమయ్యగా అదివరకే కొలువై వుండడం, విష్ణువు అంశావతారమైన పోతలయ్య పూజ శాక్తేయ విధానంలో జరగడం, చెన్నకేశవుని ఆలయంలో పోతలయ్య పూజలు చేస్తాడని చెప్పడం ద్వారా నారాయణుని అంశావతారం మరియు పరిపూర్ణావతారం ఒకేసారి కనబడడం వంటివి, ఆలయ ప్రాంగణంలో పోతలయ్య భార్య కోనలమ్మ(కూనలమ్మ) లక్ష్మీస్వరూపంగా, భైరవుడు తాంత్రిక విధానంలో కొలువుదీరడం వంటివి సర్వదేవతాశక్తుల మరియు విధానాల నిలయంగా ఈ ఆలయాన్ని తయారుచేశాయి.

పోతలయ్య స్వామి విష్ణువు ఐనా శివభక్తుడు కావడం చేత, శక్తిదేవతల రక్షణను తలకెత్తుకోవడం వల్ల ఇక్కడ శివుని వేషంలో శాక్తేయ విధానంలో పూజిస్తారు.